फाइंडॅबिलिटी सायन्सेसचा मुंबईत कार्य विस्तार
मुंबई, ८ मे २०२५: आघाडीचा जागतिक एंटरप्राइझ एआय समाधान प्रदाता फाइंडॅबिलिटी सायन्सेसने आज मुंबईत आपल्या कार्यक्षेत्राचा भव्य विस्तार करण्याची घोषणा केली. या अंतर्गत अत्याधुनिक इनोव्हेशन आणि डिलिव्हरी सेंटरची स्थापना करण्यासाठी मल्टी-मिलियन डॉलर्सची धोरणात्मक गुंतवणूक केली जाणार आहे. हा निर्णय कंपनीच्या जागतिक वृद्धी धोरणाचा महत्त्वाचा टप्पा असून मुंबईच्या एआय आणि तंत्रज्ञान नवोन्मेष केंद्र म्हणून वाढत्या महत्वाचा फायदा घेऊन एंटरप्राइझ एआय समाधानाच्या पुढच्या टप्प्यास चालना देण्याचा मानस आहे.
मुंबई ही भारताच्या डेटा सेंटर क्षमतेपैकी ५०% क्षमतेचे केंद्र आहे व २०४७ पर्यंत एआय-आधारित उत्पादकतेतून भारताच्या जीडीपीमध्ये ६.८ ट्रिलियन डॉलर्सचा भर घालण्याच्या दिशेने वाटचाल करत आहे, फाइंडॅबिलिटी सायन्सेसच्या महत्त्वाकांक्षी वाढीच्या योजनेसाठी आदर्श वातावरण प्रदान करते. मुंबई व छत्रपती संभाजीनगर येथील बळकट झालेल्या कार्यक्षमतेमुळे कंपनीच्या जागतिक वितरीकरण क्षमतेत भरीव वाढ होऊन सुमारे २५% गुंतवणूक परतावा मिळविला जाईल असा अंदाज आहे.
या संदर्भात फाइंडॅबिलिटी सायन्सेसचे मुख्य कार्यकारी अधिकारी श्री. आनंद माहुरकर म्हणाले, “हा विस्तार एंटरप्राइझ एआयच्या भविष्यात आमूलाग्र बदल घडवून आणण्याच्या दिशेने एक महत्त्वपूर्ण टप्पा आहे. मुंबईचे जोमदार नवोन्मेष पर्यावरण आणि भौगोलिक व धोरणात्मक स्थान आम्हाला एआय तंत्रज्ञानाच्या क्षेत्रात अभूतपूर्व प्रगती साध्य करण्यासाठी सक्षम करते. हे केंद्र भविष्यकालीन सोल्यूशन्ससाठी प्रेरणास्थान ठरेल व आमच्या जागतिक ग्राहकांना डिजिटल परिवर्तनाच्या युगात आघाडी मिळवून देईल.”
मुंबईतील नवीन इनोव्हेशन व डिलिव्हरी सेंटरमुळे फाइंडॅबिलिटी सायन्सेस बँकिंग, आर्थिक सेवा, विमा क्षेत्र, उत्पादन आणि लॉजिस्टिक्स यांसारख्या प्रमुख क्षेत्रांसाठी उच्च कार्यक्षमतेची, नियामक मानकांशी सुसंगत व स्केलेबल एआय सोल्यूशन्स वितरित करण्यास सक्षम होईल. कंपनीचा उद्देश भारत, अमेरिका आणि जपान येथील ग्राहकांना अधिक सशक्त सेवा देण्यासह स्थानिक एआय परिसंस्थेत प्रतिभा विकास, तंत्रज्ञान प्रगती आणि एंटरप्राइझ परिवर्तन यामार्फत महत्त्वपूर्ण योगदान देण्याचा आहे.
माहुरकर पुढे म्हणाले, “मुंबईतील व्यावसायिक गतिशीलता, एंटरप्राइझ अस्तित्व आणि प्रतिभेची संपन्नता आमच्या जागतिक एआय नेतृत्वाच्या दृष्टीकोनाशी पूर्णतः सुसंगत आहे. आम्हाला आमच्या ग्राहकांसाठी लक्षणीय उत्पादकता वाढ आणि त्यांच्या निर्णयक्षमतेत वाढ साध्य करण्याची मोठी संधी दिसत आहे.”
फाइंडॅबिलिटी सायन्सेस पुढील पाच वर्षांत भारतातील एआय प्रतिभेचा तिप्पट विस्तार करणार असून, उद्योग-विशिष्ट एआय प्लॅटफॉर्म्स विकसित करण्याचे व मजबूत धोरणात्मक भागीदाऱ्या स्थापन करण्याचे उद्दिष्ट ठेवले आहे. कंपनीच्या आगामी नवकल्पनांमध्ये जेनएआय-चालित बिझनेस प्रोसेस को-पायलट्स आणि एजेंटिक वर्कफ्लोजचा समावेश आहे, जे अधिक स्वायत्तता, निर्णय प्रक्रियेची सुधारणा आणि ठोस व्यवसायिक परिणाम साध्य करतील.
